Bier-Forum.ch

In Zämearbeit mit dr Brauerei Ernst us Ägerte, hei es paar Gymeler us Bärn es neus Getränk lanciert. Es handlet sech um e Art Wasserkefir. Dank dene Kefir-Kristalle, wo ursprünglech us Mexiko chöme u dert Tibi gnennt wärde, gits e liechti Fermentation, blibt aber immer no unger 0.5% Aukohoughaut. Si gäbe när no Frücht und so bii, damits o no chhli meh Gschmack bechunnt. Bis jetz hei si d Gschmacksrichtig Orange&Münze, ab Mai chunnt Passionsfrucht&Münze dezue.

Zur Zit heisis i nes paar Bars in Bärn, si möchte aber ir Zuekunft de no expandiere. Das wär ihri Website: eltibi.ch