Mau so es Sammuthema, wo me Links zu Biershops cha poste. We me z.B. gueti Erfahrige demit het gmacht, odr süsch eifach gueti Priise odr es Guets Agebot git.
I bsteue zum Bispiu immer widr uf Qoqa/Qbeer. Isch chli wi es Daydeal für Bier, auso unger dr Wuche jede Tag es neus Agebot a zum Teil speziellne Bier/Brauereie (si hei natürlech o angeri Kategorie, und bi Qbeer chöme o regumässig irgendwelchi Spirituose).
Für d Bierdegus hani aube im Biershop Wittich in Oute bsteut. Ha ou scho e Fäuliferig gha (es Kriek statt es Oude Kriek), de hei si när eifach z richtige Bier gratis nachegschickt und ha di 8 Fläschli vom fausche chönne bhaute. Ursprünglech bi ihne afa bsteue, wüu me o cha mitem Postchärtli zahle (obwou nume steit Kreditkarte), när füre Service blibe.
Letsthin bini uf Amstein gstosse. Dr grösst schwizer Bier-Importeur, verchouft aber ou Schwizer Bier. Het denn no grad e Aktion gha, dass me no 15.- Rabatt het becho, wenn me sech füre Newsletter het agmäudet. O süsch gueti Priise (es Punk IPA chostet dert z.B. 1.- weniger aus im Coop).
Online Biershops
Online Biershops
A fine beer may be judged with only one sip, but it is better to be thoroughly sure.