Suurchrutbier: Heit dir Erfahrige, Ideene, Rezäpt?

Hier kann man über alle Themen rund ums Brauen diskutieren
Antworten
fredy
Feldschlösschentrinker
Feldschlösschentrinker
Beiträge: 1
Registriert: 13. Mai 2021, 11:42

Suurchrutbier: Heit dir Erfahrige, Ideene, Rezäpt?

Beitrag von fredy »

Hoi zäme

Letschti hanimi vorem Lehre drückt und imene üsserst erheiterende Gspräch mit em Vince über d Kombination vo Suurchrut u Bier gredt. Suurchrut u Bier chunnt sit eh und je näbenang vor, aber was wenn mers gad mitenang vergärt? D Idee isch eifach: Es Suurbier het Miuchsüüribakterie -- Suurchrut het Miuchsüüribakterie. Passt wie Arsch auf Eimer. Mir hei när es paar Variante düreblödelet u iz lahts mer ke Rueh und drum möchti mau id Rundi frage, mit em Risiko, dass das Thema de is Gott u d Wäut verschobe würdi ...

Im Anfang war das Chrut
Was chönnt me aus dritue?
  • Chabis
  • Malz
  • Hefe
  • Wasser
à discuter, aber je nach je geil
  • Hopfe (nid z viu; Problem für d Lactobaziller, aute Hopfe näh)
  • Härdöpfu (weus so schön passt)
  • Weize (wie im Geuze)
  • Frücht (wie s Sauer'd)
  • Gwürz u Chrüter wie Chümi, Koriander, Lorbeer (chunnt is Suurchrut, aber ou zT i anderi Bier)
  • Salz (chunnt is Gose)
Procedere Was meinet dir? Heit dir da irgendwie Erfahrige? Hättet dr Luscht, das mau z probiere? Müesst no öppis anders dri? Vince, steit dis Agebot no vom aute Gärtank? (i ergänze eifach de mau no, was no so fäut)

Cheers, F
Meine andere Signatur ist ein Ferrari
Benutzeravatar
Vince
Admin
Admin
Beiträge: 42
Registriert: 5. Apr 2021, 00:56
Wohnort: Nidau
Kontaktdaten:

Re: Suurchrutbier: Heit dir Erfahrige, Ideene, Rezäpt?

Beitrag von Vince »

Dä mitem Härdöpfu hani grad letsthin mit em Tinu vo Jensitzer beredet. Isch zwar nid ihne passiert, aber anere Braubekanntschaft, wo äbe es Härdöpfubier het braut. Dert hets es grosses Problem, dass z viu Sterchi vom Härdöpfu im Bier landet. Bi leider zweni Biochemiker, aber we me dere Sterchi schiins gnue Zit laht, verwandlet si sech mit de Zit zu Acetat oder Aceton. Schiins schmöckt das Härdöpufbier mittlerwile zimlech ähnlech wi Nagulack-Entfärner.

Mi aut Gärtank hockt no bi mir ufem Baukon ;)
A fine beer may be judged with only one sip, but it is better to be thoroughly sure.
Benutzeravatar
Vince
Admin
Admin
Beiträge: 42
Registriert: 5. Apr 2021, 00:56
Wohnort: Nidau
Kontaktdaten:

Re: Suurchrutbier: Heit dir Erfahrige, Ideene, Rezäpt?

Beitrag von Vince »

Ha mau es Rezäpt usem Arm gschüttlet:

1.5kg Pale Ale Malz
0.5kg Cara Hell
0.5kg Weizenflocken

5g Sauz bim Maische

10g Saazer Hopfe (60min)

Letste 10min Choche:
10g Koriander-Saame
10g Chümmi
10g Wacholderbeeri

Zum fermentiere:
500g unpasteurisierts Suurchrut
1pk MJ's Belgian Wit (eifach für d Gährig z ungerstütze)

Stammwürzi: 1.050 SG / 12.5 ° Plato
Endzucker: 1.006 SG
Alkohol: 5.8 %
IBU: 9
Farb: 7 SRM / 14 EBC
A fine beer may be judged with only one sip, but it is better to be thoroughly sure.
Antworten